1 - İstifadə ediləcək vəsaitlər otaq istiliyində olmalıdır, çünki soyuq istifadə edilən vəsaitlər keksin qabarmasını önləyir.Vəsaitlərin soyuducuda və yaxud soyuq olan yerdə olanlarını ən az 1 saat öncədən çıxarmalıyıq.
2 - Keks edərkən istifadə etdiyiniz vəsaitlərin təzə və son istifadə tarixlərinin keçməmiş olmasına diqqət edək.
3 - Kek qəlibini yağlamalı və unlamalıyıq.
4 - Keksləri sobaya vermədən əvvəl sobanı mütləq isitməliyik.
5 - Yumurtaları krem konsistensiyasına gələnə qədər çırpmalıyıq.
6 - Şəkər tozu istifadə edərkən əriməsi üçün yaxşıca çırpmalıyıq.
7 - Yumurta və şəkər tozunun çox yaxşı çırpılması keksin kabarmasında təsirli olmaqdadır.
8 - Yumurtanın ağı və sarısını ayrı-ayrı çırpılması, keksin kabarmasında daha da təsirli olur.
9 - Un və digər quru vəsaitləri ələyərək istifadə edək.
10 - Keksi 150-180 dərəcə arasında bişirməmiz lazımdır.
11 - Keksi qəlibdən çıxararkən nə çox isti, nə də çox soyuq olmamalıdır. İlıq olduğu zaman qəlibdən çıxardaq.
12 - Keks xəmiri qatı konsistensiyada olmalıdır.
13 - Keksi sobaya verincə ilk 20 dəqiqə qapağını açmamalıyıq, yoxsa keks sönər.
14 - Bişən keksi dərhal sobadan çıxarmamalıyıq, çünki soyuq hava ilə təmas edən kekslər sönər. Keks bişdikdən sonra sobanı bağlayıb 5 - 10 dəqiqə sobada istirahət etdirin.
15 - Keksi sobanın alt qatında bişirməliyik.
16 - Keksdə meyvə, quru üzüm, quru ərik və s. istifadə ediriksə quru olmalarına diqqət edək,quru deyillərsə una bulayıb istifadə edək.
17 - Keksi hazırlayarkən 1 - 2 damla limon sıxsanız keksin kabarmasında təsirli olur.
18 - Keksi süd ilə etsəniz,daha yaş görünüşlü olar. Yaş keks, kakaolu keks və buna bənzər keks edərkən südü seçim etməliyik.
19 - Keksi qatıq ilə etsəniz, daha quru və sərt olur. Ümumiyyətlə sadə kekslər qatıq ilə birlikdə həyata keçirilir.