Qripdən qorunmağın yolu açıqlanıb.

Havaların soyuqlaşması özü ilə bərabər qrip xəstəliyini gətirir.
 
Oxuculara tərkibində suyu bol olan qidalardan istifadə etmək tövsiyə olunur. Məsələn, göy-göyərti, tərəvəz və meyvə. Bundan əlavə, hər gün bir stəkan portağal-limon suyu qarışığı için. Həddindən artıq isti otaqlarda oturmayın. Hər gün otağınızın havasını dəyişin. Çay əvəzinə zəncəfil, böyürtkən çayı için. Yeməklərdə mixək, nanə, çörəkotu, kimyon kimi ədviyyatlardan bol-bol istifadə edin.
 
Xəstəlik daha çox əllə yoluxduğundan, əllərinizi tez-tez yuyun. Xəstə uşaqlara öskürüb-asqırarkən əlləri ilə ağızlarını tutmağı öyrədin. Gündə ən az 45 dəqiqə gəzintiyə çıxın.
 
Gündə ən az 7-8 saat yatmaq, səhər isə tezdən oyanmaq məsləhətdir. Hər gün bir kasa qatıq yemək də qripdən insanı qoruyur.