Ailədə pul azdırsa, nə etmək olar?
Cib xərcliyi heç də övladınızın gözləntisi qədər olmaya bilər. Siz hətta
ailədəki durumunuzla əlaqədar ona pul verməyə bilərsiniz.. Bunu ona
sakit tərzdə izah etməyə çalışın. Bildirin ki, ailədə maddi durum
düzələnə kimi ona cuzi miqdarda cib xərcliyi ayıracaqsınız. Bütün
uşaqlar fərqlidir. Kimisi ailədə pulun kifayət qədər olmadığını başa
düşüb anlayış göstərəcək, kimisi isə vəziyyəti başa düşsə də, buna
baxmayaraq özünü "seçilmiş" hesab edəcəkdir. Çalışın ki, övladınız özünü
maddi durumuna görə sizdən üstün olan ailələrin övladları ilə müqayisə
edib özünü pis hiss etməsin. Övladınızla mümkün olduqca bu mövzuda
müzakirələrə vaxt ayırın. Onun uğur və problemləri haqda danışın.
Çalışın özünü vacib və sevimli hiss etsin. İmkanlı və ya imkansız
olmasından asılı olmayaraq ona özünün müsbət obrazının yaradılmasında
yardımçı olun. Pul lazımdır, lakin sevgi vacibdir!