Al apar əvvəlki ürəyimi mənim
Nəyim var, nəyim yox soruşma bir daha
Gözümdə yaşlardır bir tək sərvətim
Ağrıyıb üzümə baxma bir daha!
Aldana, aldana keçdi bir ömür
Dünənlərə küskünəm sabaha küskün
Harada xoşbəxtlik harada hüzur
Həyata küskünəm dövrana küskün
Aldanmaqdan yoruldunmu,
Ağrılarla yoğuruldunmu,
Heç kürəyindən vuruldunmu ?
Nə bilərsən yağış olub
Çağlamağı nə bilərsən
Qəhqəhələr sovurarkən
Ağlamağı bilərsənmi?
Aldatdılar
Ümidlərimi, xəyallarımı
Həsrətləri, xülyalarımı
Parça parça
Qopardılar! ..
Sonra unudulduğuma inandım
Sevdiyimdən ayırdılar.