4 divar olsun

Qeydiyyat Şifrənin bərpası

Qadınla.Com

Tarix: 3-11-2011, 12:58

Müəllif: Mr. OffiCeR

Şərhlər: 0

Baxılıb: 2 889

Bölmə: Həyat tərzi / Hekayələr

Səs ver:

(səs: 1)

Onsuz bu cahan zülmətə bənzər mənə,onsuz,
Gəlsin təki yarım mənə zülmətdə yar olsun.

Yalnız odur hicranıma son qoymağa qadir,
Ya Rəbb,onu qaytar mənə,həsrət fərar olsun.

Bir busə mənə eylə nəsib sevgili-yardan,
Bitsin bu həyat sonra,məkanım məzar olsun.

Bəxtim şəmi yansın,qızınım şölələriylə,
Fəsli-xəzan ötsün,yenə fəsli-bahar olsun.

Gəlsin elə bir dövri-zaman,vəslə yetək biz,
Əğyar görüb ol dilbəri yanımda,xar olsun.

Tənhalığı xatırladan hisslər süqut etsin,
Qəlbim yaşasın sevgi-məhəbbətlə,var olsun.

Birdən mən özüm sevgimə xain çıxaramsa,
Öldür məni,ya Rəbb,həyatım tarimar olsun.

Bir gün sona yetsə,Deniz,ömrün,bu qəzəllər,
Qoy yarına səndən əbədi yadigar olsun.