Hardasan?
Bir yarpaq üşüyür burda
Hardasan?
Soyuqdu, əynimdə nazik
Hardasan?
Qırılır telefonda səsin
Hardasan?
Susuram tələm tələsik
Hardasan?
Yel vurub qurudur məni
Hardasan?
Əlimi buz kəsdi qayıt.
Hardasan?
Çığırır içimdə bir səs
Hardasan?
Gec oldu. di bəsdi qayıt
Hardasan?
Taksilər bilir ünvanı
Hardasan?
Hansıyla gəlirsən mənə
Hardasan?
Xəbər ver tıxacdasansa
Hardasan?
Gözümlə yol çəkim sənə
Hardasan?
Tez qayıt... pişiklər ölür
Hardasan?
Evimi su basıb yenə
Hardasan?
Bir qadın dizini döyür
Hardasan?
Bir qadın toy qurub sənə
Hardasan?
İtmisən yenə gözümdən
Hardasan?
Əlimi uzatsam toxun
Hardasan?
Divarlar çökür üstümə
Hardasan?
Bir mənəm bir də yoxluğun
Hardasan yatağım, hardasan evim?
Harada gecələyib səhərləyirsən?
Hardasan nağılım, hardasan devim?
İndi kimin ömrün zəhərləyirsən?

Müəllif - Bahar Zamanova