Səni məndən alan şəhər Hansı küçə, hansı tini dolanım, Hardan keçim, gözlərimə dəyəsən? Şəki boyda həsrət mənə sarılıb, Buraxmaq da istəmir heç deyəsən.
Yaşadığım bu şəhəri biraz da, Sənə görə sevə-sevə gəzirdim. Sanırdım ki, çıxardacaq qarşıma, Görməyəndə bu şəhərdən bezirdim.
Elə bil ki, səni mənə gətirən, Bu şəhərin küçələri deyildi. Gəzdiyimiz Axundovun parkı da, Bizsiz sanki avaradı, veyildi.
Sənin kimi bu şəhər də yanıltdı, Sənin kimi hislərimlə oynadı. İndi mənim sənə qarşı nifrətim, Çox deyil ki, elə Şəki boydadı.