Mən divanə‚mən bir qəmxar
Mən könlü şur yar olmuşam
Ahım səni elə yixar
Mənki vəfadar olmuşam

Məhəbbətdən yoğrulmuşam
Mən şeiri doğan qadin
Sən "bəxtəvər"aram-aram
İtirirsən sevgi dadin

Mən yolumu azmış biri
Cığırlarım çala-çuxur
Dəf etmişdim neçə dərdi
Bu dərd məni yaman sıxır

Xatirələr qoşun-qoşun
Yığın-yığın güdür məni
Mən dalğayam aşıb-daşan
Dəniz yenə çəkir məni

Qarabasma keçmir gözdən
Viran qalmış bu küçələr
Şübhə edir görən məndən
Dəli...xəstə..nələr nələr...

Xavər Şəfiyeva