Torpaqdan yarandı insan...
torpaqdan yararlandı,
torpaqda yaşadı,
torpaqda yaşlandı,
torpaqda öldü,
torpağa gömüldü,
torpağa döndü...
İnsan torpağa döndü,
insandan torpaq yarandı,
torpaq insandan yarandı...

* * *

Torpaqdan yarandı insan...
İnsandan yarandı torpaq...
İnsan bədəninin 70%-i
sudan ibarətdisə,
torpaq insanlardan yaranmış
Dünyanın
neçə faizi sudu?

torpağa dönmüş insanların
bədənindəki 70% sudan yarandı
bütün okeanlar, dənizlər, göllər...
İnsan bədənindəki
damarlardan yarandı çaylar...

* * *

İnsanların torpağa bağlılığı,
torpaq uğrunda mübarizəsi,
ulu əcdadlarına olan rəğbətidir,
bəlkə də...

Çünki, torpaqdan yarandı insan...
insandan yarandı torpaq...

Ceyhun Aranlı