Sevdim onu! özü kimi hər halını,
Düşünmədim vəfasızım atar bir gün.
Gözlərimə bəxş eyləyib xəyalını,
Xatirinə kədər kimi qatar bir gün.

Uzaq oldu, həsrət qədər yolu gedib,
Ürəyimdən baslamışdı onda bitib.
Bilməzdimki həsrətini həmdəm edib,
Bir addımda özgəsinə satar bir gün.

Keçir ömür xəyal kimi yuxu kimi,
Yaşa dolur bu qismətim çoxu kimi.
Bu taleyin hər cavabsız oxu kimi,
Ürəyimə yara vurar batar bir gün.

Divanəyəm, döndüm ömür qaçagına,
Düşdü qəlbim ayrılığnı ocağına.
Ömür qaçıb həsrətinin qucağına,
Sənli günün son anına çatar bir gün.