Nə gələn qasırğa, nə əsən külək.
Ahımı, naləmi apara bilməz.
Baş-başa versədə fələklə, mələk,
Ruhumu canımdan qopara bilməz.

Ağlım günahkardı aldandığıma,
Baharı sərt bilib, qış sandığıma.
Mənim bu alışıb odlandığıma,
Yağış əlac tapıb, sel çala bilməz.

Nifrətlər bulanıq, sevgilər duru,
Boş yerə nə xeyri, əritmə ömru.
İndi daha gecdi Fərişdən ötrü,
Ağlama göz yaşı qaytara bilməz...