Dözümüm taram çəkilib,
Daha dözə bilməyirəm.
Sinəm qəm-kədər əkilib,
Daha dözə bilməyirəm.

Qala bürclərim sökülüb,
Polad qollarım bükülüb,
Bəhərəm kalım tökülüb,
Daga dözə bilməyirəm.

Nə qədər dözümlü olum?
Belə də saralım-solum?
Elə bu dərdləmi ölüm?
Daha dözə bilməyirəm

Min həşərat sorur məni
Nahaqq işlər yorur məni,
Aləm aciz görür məni,
Daha dözə bilməyirəm.

Niyə oddan kül törəsin,
Nər dəvədən şil törəsin.
Tülküdənsə fil törəsin,
Daha dözə bilməyirəm.

Müəllif: Xanverdi Eloğlu