Həqsizə həqli deyib bir çox günaha batmışam.

HƏKİM
Dərdi təşxis etməyib qövm-əqrəba ağlatmışam.

Tacir
Mən halal ilə haramı bir-birinə qatmışam.

Rüvzəxan
Ümmətin pulun alıb min-min yalan söz satmışam.

Dərviş
Nərdi bulsam söz açıb min-min yalan söz satmışam.

Sufi
Ruzi şəb həq-həq deyib mən hər kəsi oyatmışam.

Molla
Gündə bir fitva verib məxluqu çox aldatmışam.

Elm
Qəti-ümid etmişəm teksər bu qövmü atmışam.

Cahil
Ortada keyf eləyib mən  həm mərama çatmışam.

Şair
Bülbülə eşqə gülə dair yalan fırlatmışam.

Əvam
Anlamam hərgiz cəhalət bəsirətində yatmışam.

Qəzetçi
Mən cəridəm dolmaq üçün mətləbi uzatmışam.
 
Müəllif: Mirzə Ələkbər Sabir