Qeydiyyat Şifrənin bərpası

Əsgərin nakam sevgisi

Tarix: 11-01-2015, 07:00
Müəllif: Mr. OffiCeR
Şərhlər: 9
Baxılıb: 5 513
Bölmə: Həyat tərzi / Şeirlər
Səs ver:
(səs: 4)
Gözümə baxırsan,baxışın soyuq.
Elə bil soyuyub buza dönmüsən.
Yox sən,o deyilsən,o qız deyilsən.
Dəyişib,başqa bir qıza dönmüsən...

Bu baxış,bu gülüş səninki deyil,
Dəyişib baxışın,gülüşün sənin.
Sən qoyub getdiyim o qız deyilsən,
Başqaydı ömrümə gəlişin sənin...

Sən belə deyildin biz ayrılanda,
Söylərdin hər zaman özləyəcəksən.
Məni əsgərliyə yola salanda,
Demişdin yolumu gözləyəcəksən...

Deyirdin xidmətdən sən qayıdanda,
Artıq olacağam həyat yoldaşın.
"Qayıtsan sevincdən ağlayacağam",
Demişdin...Bəs indi hanı gözyaşın?..

İndi dodağında saxta təbəssüm,
Soyuq baxışında başqa məna var.
Mənimlə görüşə gəlməyində də,
Kim bilir,ne böyük bir təmənna var...

Hələ son öpüşün xatirimdədi,
Əlimin qoxusu qalıb telində.
De görüm hardandı o qızıl üzük,
Bir zaman mən tutan o sol əlində?..

Demişdin yolumu gözləyəcəksən,
İndisə deyirsən bu mümkün deyil.
Mən vətən qorudum bir il,əzizim,
Sən qorumadın "o qızı" bir il...
(səs: 4)
11-01-2015, 07:00
Mr. OffiCeR
Şərhlər: 9
Baxılıb: 5 513
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

HAMISI

Bürclərlə BİZ

HAMISI

Xəbər lenti

HAMISI

Astrologiya

HAMISI

Qadın testləri

HAMISI