Vaxt olur...

Müəllif: Angela7
Şərhlər:
Baxılıb: 545
Paylaş:
Səs ver:
(səs: 2)
Vaxt olur, ox kimi çıxır yayından, 
Vaxt olur, yay kimi qırılır insan. 
Bir gündə neçə yol ölür, qurtarır, 
Bir gündə neçə yol dirilir insan.
 
Batır saray kimi, çökür him kimi, 
Talelər sərtləşir sərt iqlim kimi.
Nəm çəkən, qəm çəkən sarı sim kimi, 
Zora düşən kimi qırılır insan.
 
Gözündən vururlar, görmür dünyanı, 
Dizindən vururlar, tökülür qanı. 
Əriyə-əriyə üzülür canı, 
Yeriyə-yeriyə yorulur insan.
 
Yollarda qazanır günahı, suçu, 
Halaldan, haramdan karvanı, köçü. 
Palçığa baxanda bulanır içi, 
Çeşməyə baxanda durulur insan.
 
Qisməti savaşdı yaranışından, 
Keçdi fəsillərin qarlı qışından. 
Dərdlə ayağından, qəmlə başından, 
Sözlə ürəyindən vurulur insan.
 
Pay olur küləyə, yem olur yelə, 
Dərd çapır atını belədən-belə. 
Yaş olub çevrilir yağışa, selə, 
Daş olub divara hörülür insan.
 
2002, 4 iyul
Zəlimxan Yaqub (Allah rəhmət eləsin)

loading...
(səs: 2)
Şərhlər:
Baxılıb: 545
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

Müzakirələr

Azərbaycanım

Xəbər lenti

Astrologiya

Ən çox oxunanlar

Səsvermə

Saytın hansı bölməsini xoşlayırsınız?

Qadınla.Com həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 

Qadın testləri

Aylıq arxiv