ABŞ-ın Miçiqan ştatında iki kişi yoldaşlarının yaşadığı doğum sancısının necə olduğunu öyrənmək üçün könüllü olaraq doğum evində yatdılar.
Kensinqton Çörçdən iki kişi bunun üçün əvvəl ginekoloq Culiye Masters ilə əlaqəyə keçiblər. Daha sonra 12 maydakı Analar Günündə, doğumdan əvvəl sancıların canlandırıldığı simulatora girərək yaşadıqlarını filmə çəkiblər.
Həkim Masters sancıları canlandırmaq üçün könüllülərin qarın bölgələrinə elektrodlar yerləşdirdiklərini ifadə edərək, bunun sayəsində kişilərin gerçək kimi olmasa da, yoldaşlarının doğum təcrübəsini yaşadıqlarını söylədi.