Qadınların bir çoxunu narahat edən bir sual var: kişilərə etibar etmək olarmı?

Oxucularımızdan biri belə bir aktual sualla saytımıza müraciət etdi.

Əslində etibar bütün münasibətlərdə vacib şərtdir. Qadınlar üçün isə bu münasibətlərin əsasıdır. Yalnız bu şərt daxilində o, rahat olub öz tərəf müqabilinə təslim olur. Təhlükəsizlik qadının kişidən başlıca gözləntisidir.

” Onunla ciddi söhbətim oldu. Ona dedim ki, daha heç bir ünsiyyət saxlamaq istəmirəm, hətta dostluq münasibəti belə. O, bunula razılaşmadı və dedi ki, mən bunu nahaq edirəm. Dedi ki, ətrafımızda elə biri var ki, məhz buna nail olmaq istəyirdi. İstəyirdi ki, bizim münasibətlərimiz pozulsun. Görəsən mən onun spznə etibar etməliyəm? Elə bu sualı düşünərək yuxuya getdim. Və yuxu gördüm:

Gördüm ki, evimin yanındayam. Qonşu binanın ikinci mərtəbəsindən sevgilim mənə əlini yelləyir.  Əvvəlcə təəccüblənirəm və bilmirəm cavab verim ya yox. Sonra cavab olaraq ona əl  yelləyirəm. Onun evinə yaxınlaşıram, pəncərə kənarına çıxıram və pəncərədən boylanıram. Bu an pəncərə tavandan döşəməyə qədər nöyüyür və evdə nə baş verdiyi görünür. O deyir ki, evində şənlikdir, məni dəvət edir, gedirəm. Çoxlu maskada insanlar içəri gəlir. Başa düşürəm ki, onda kostyum partisidir və o həmişə belə yığıncaqlar təşkil edir. O dəqiqə oyandım və düşündüm: "bu nə demək idi?”

Yuxu- nəinki illərlə yığılmış münaqişələrin əksidir, həm də gündəlik emosional hadisələrin inikasıdır. Biz oxuduq ki, xanım kişi ilə öz münasibətlərini ilə kəsir. Təəssüf ki, biz onun motivini bilmirik. Yuxuda o, kostyum partisi olduğunu görür. Yəni ki, o, sevgilisinin həyatına boylanır, orada baş verənləri görür, ancaq hər şey onun iştirakı olmadan baş verir. Yuxu ona deyir ki, o, başqasının həyatına daxildən deyil, "şüşənin arxasından” baxır.

Heştald-terapiyada proyeksiya anlayışı var. Bu, şüuraltı olaraq şəxsi keyfiyyətlərimizin başqalarına keçməsidir. Biz özümüzdə qəbul etmədiyimiz xüsusiyyətləri başqasına köçürürük. Məsələn, başqalarına aqressivlik, yalançılıq, qorxaqlıq xüsusiyyətlərini aid edirik. Hətta belə gördüyümüz insanları uzaqlaşdırırıq. Daha doğrusu bizə onları belə görmək asandı.

Belə ehtimal edək ki, yuxudakı maskarad görülməsi xanımın öz sevgilisinə aid etdiyi xüsusiyyətlərin təsviridir. Əslində isə o özü münasibətlərlə oynayır. Beləcə yuxu cütlüyün münasibətlərində qeyri səmimiliyini əks etdirmiş olur.