"Space” telekanalında yayımlanan "Plyus-minus” verilişinin aparıcısı Günel Hümbətova xəyalındakı kişi obrazından danışıb.

O, açıqlamasında yerli şou-biznesimizdə meyxanaçı Namiq Qaraçuxurlunu yaraşıqlı hesab etdiyini bildirib:

"Arzuladığım kişi obrazı Antonio Banderas kimidir. "Möhtəşəm yüz il” serialının Malkoçoğlusu – Burak Özciviti çox bəyənirəm. Onun üçün ürəyim gedir, çox yaraşıqlıdır. Amma bildiyimə görə sevgilisi var".

Günel şəxsi həyatından və yeni layihələrindən də söz açıb:

"Mənimlə evlənmək istəyən, elçi düşənlərim çoxdur. Hələ ki, ailə həyatı qurmaq haqqında fikirləşmirəm. İndi məni yalnız karyeram maraqlandırır. Yeni layihə hazırlayıram, qızlara həsr ediləcək veriliş olacaq. Əgər alınsa, sentyabrda təqdim edəcəm. Seriala çəkilmək də istəyirəm, maraqlı ssenari olsa, razılaşaram”.