Beş aylıq hamilə olan türkiyəli müğənni Dəmət Akalın "Hürriyət” qəzeti üçün ilk hamiləlik fotosessiyasını etdirib.
Qadınlar.biz-in məlumatına görə, sənətçi müsahibəsində hamiləliyindən söz açıb. O, ana olmaq üçün uzun müddət müalicə aldığını etiraf edib:
"Çox həkimlər gəzdim, müalicə aldım. Amma son vaxtlar artıq uşağım olmayacağını düşünüb, inad etməkdən əl çəkdim.
Bir gün Okana dedim ki, mənə gözəl yaz tətili hədiyyə et. Bodruma getdik, hər gün balıq yeyib, rakı içirdim.
Qəfildən halım pisləşdi, zəhərləndiyimi düşündüm. Amma sonda hamilə olduğum ortaya çıxdı. Çox sevindik.
Okan hər gün qulluğumda durur, evə gələndə ilk olaraq qarnımdakı körpə ilə söhbət edir, qısqanıram.
Etiraf edim ki, uşaq üçün ürəyim getmir. Böyük ailəmiz olmasını Okan istəyir. Bütün günü hamiləliklə bağlı məlumatlar oxuyur. İstanbuldakı bütün qadın həkimlərin nömrəsini bir dəftərə yazıb. Həkimə gedəndə heç məni tək qoymur".
Dəmətin həyat yoldaşı Okanla birlikdə etdirdiyi fotosessiyanı təqdim edirik.