Əməkdar artist Elza Seyidcahan, aparıcı Nərgiz Cəlilova, müğənni Elnarə Xəlilova, Səbinə Babayeva, modelyer Fəxriyyə Xələfova, jurnalist Günay Malikqızı, Ülkər Qasımova, "Birliyə doğru" təşkilatının sədri Zərifə Quliyeva zorakılığa məruz qalan qadınlara dəstək olub.

Qadınlar.biz xəbər verir ki, tanınmış simalar "Qadına vurma, vurul!” şüarı altında keçirilən fotosessiyada iştirak edib. "Qadın zorakılığına qarşı beynəlxalq mübarizə günü” ilə bağlı baş tutan fotosessiya Səhiyyə Nazirliyinin İctimai Səhiyyə və İslahatlar Mərkəzi və "ADDIM” Yaradıcı Gənclər Assosiasiyasının birgə əməkdaşlığı ilə reallaşdırılıb. Həmin fotolar bu gün "Park Bulvar"da sərgilənib. Böyük maraqla qarşılanan fotosərgidə tanınmış simalar özləri də iştirak edib.

Tədbirdə millət vəkili Qənirə Paşayeva da iştirak edib.