Xalq artisti Nazpəri Dostəliyeva ANS telekanalında yayımlanan "Günəbaxan” verilişinin qonağı olub.
Manşet.Az-ın məlumatına görə, müğənni Novruz bayramı ilə bağlı xatirələrini bölüşüb:
"Gənc
vaxtı Novruz səbirsizliklə gözlədiyim bayram idi. Həmin bayram gənc,
subay qızlar üçün xüsusi bir məna daşıyırdı. Çünki qulaq falına
çıxırdıq, əl qabiliyyətimizi nümayiş etdirirdik. Anam qızlarının əl
qabiliyyətini göstərirdi ki, görün övladlarım necə bacarıqlıdır. Qızlar
evdə qalmasın deyə, bu cür usullara əl atırdılar. Üzük, su falı edirdim.
Cavan qız nə istəyər? Əlbəttə ki, ərə getmək. Qonşuluqda nə qədər
rəfiqələrim var idi, yığışırdıq, fala baxırdıq. İndi xanımların
əksəriyyəti hazır paxlava, qoğal, şəkərbura alırlar. Amma mən buna yaxşı
baxmıram. Düşünürəm ki, Novruzda o şirniyyatların iyi evimdən
çıxmalıdır. Yoxsa anamın ruhu şad olmaz”.