"Mən restoran işlədirdim. Elçinlə orada tanış olmuşduq. "20 Yanvar" metrostansiyasının yaxınlığında kirayədə qalırdıq. İnternetdə yayılan fotonu da evdə çəkmişdim. Birinci hamiləliyimdə uşağı istəyirdi. Deyirdi, oğlumuz olsun, atamın adını qoyacam - İsvər. Amma alınmadı. İkinci hamiləliyimdə isə qız istəyirdi, nənəsi Humayın adını verəcəyini deyirdi. Mən də qızıma elə həmin adı qoydum. Elçinin uşaqdan xəbəri var idi. O dünyaya gələndə Elçini Türkiyəyə apardılar ki, gəlib görməsin. Hətta valideynlərinin də hamiləliyimdən xəbəri var idi, anası ilə danışmışdım. Deyirdi, oğlumun ürəyi zəifdir, xəstədir, bilmirəm, necə edim. Uşağa soyadını da vermədi. Sənəd alanda onun razılığı ilə "Elçin qızı" soyadını yazdırdım. Qardaşı tez-tez bizə gəlirdi, Elçin uşağa pul göndərirdi. İnternetdə yayılan şəkil Elçinin ən zəif yeri idi. Həmişə deyirdi ki, onu internetdə paylaşma. Xəbər yayılandan sonra zəng etdi, götürmədim. Mesaj yazdı ki, cəhənnəm ol. Sonra Azər Şirin zəng edib "Elçinin vəziyyəti pisdir" dedi. Ondan heç nə istəmirəm, bircə uşağa soyadını versin. Alimenti də lazım deyil. Özü kirayədə yaşayır, problemləri var, onu həll etsin”.

[media=https://www.youtube.com/watch?v=pjw9CqOLbwQ]