Sinoloa ən qorxulu və böyük narkotik kartellərindən biridir.

Mafiya başçısı sosial medianın fenomeni olub.

Qadınlar.Biz ANS PRESS-ə istinadən xəbər verir ki, Meksikada son illərdə ABŞ-la birgə keçirilən əməliyyatlar nəticəsində bir çox mafiya liderləri öldürülüb və ya həbsxanaya göndəriliblər. Bir çox qruplaşma liderini itirib.

Belə qruplaşmalardan biri də Sinoloa kartelinə bağlı Antraks qrupudur. Qruplaşmanın yeni lideri cazibədar qadındır. Mətbuat onu "Antraks İmperatritsa” adlandırır. Əsl adı isə Klaudia Ochoa Felixdir.

Bu 27 yaşlı qadının internetin fenomeni olmasına səbəb isə hər fürsətdə Tvitter ve Youtube-dakı hesablarında şəkillər paylaşmasıdır. O, lüks həyat tərzi, bahalı maşınları, zinət əşyaları, kolleksiyaları ilə diqqəti cəlb edir.

27 yaşlı Klaudianın ötən il Hollandiyada saxlanılan və ABŞ-a verilməsi planlaşdırılan Radriqo Arechiqa Qamboanın yerinə keçdiyi deyilir.