Müğənni Roza Zərgərli işbirliyi qurduğu Türkiyənin tanınmış "Dokuz Sekiz Müzik” şirkəti üçün fotosessiya etdirib.
Bu barədə ifaçının mətbuat katibi məlumat verib. Onun sözlərinə görə, R.Zərgərlinin yeni şəkilləri "Oyuncaq” adlı mahnısının piarı üçün çəkilib. Fotoqraf Fidan Süleymanlının obyektivi qarşısına keçən müğənninin obrazları üzərində stilist Sədi Əliyev və Ceyhunə Hacıyeva çalışıblar.
Xatırladaq ki, R.Zərgərli "Oyuncaq” adlı mahnısını Türkiyənin tanınmış rok qrupu "Pankart”la duet şəklində ifa edib. Sözügedən bəstəyə çəkilən klip bu yaxınlarda təqdim olunacaq.