Milyonlarla pul qazanan şou-biznes nümayəndələrinin elələri var ki, əliaçıqlılığı ilə gündəmdən düşmür. Bəziləri də simiclikdə birinci yeri tutur.

Qadınlar.Biz xarici mətbuata istinadən ən simic və əliaçıq ulduzları təqdim edir.

Milyonlarla gəliri olan Viktoriya Bekhem ərinin oynadığı futbol oyunlarına baxmaq üçün dəfələrlə stadiona ictimai nəqliyyatla - tramvayla gedib. Milyonlarla sərvəti olan Viktoriya ucuz şərab içir, bazarlıq üçünsə ucuz supermarketlərə üz tutur.

Tanınmış kinorejissor Maykl Uinner 72 milyon dolların sahibidir. Ancaq ucuz şərab içir, benzinə pul verməmək üçün çox vaxt adi nəqliyyatdan istifadə edir.

Milyonlara sahib olan Madonna da qəpiyinin qədrini bilir. O yaşadığı malikanəyə gələn telefon hesablarını bir-bir yoxlayır, özünün etmədiyi danışıqlara görə, pulu qulluqçusunun maaşından çıxır.

Müğənni Britni Spirs də ən simic ulduzlardandır. O, getdiyi restoranda ofisiantlara çay pulu vermir. Bununla yanaşı isə o yediyi hər şeyin qiymətini qəpiyi ilə hesablayıb, artıq pul ödəməməyə çalışır.

Ən əliaçıq ulduzlar sırasında isə müğənni Şakira yer alıb. O dəfələrlə xeyriyyə məqsədilə kimsəsiz uşaqlar evinə pullar bağışlayıb. Hətta bir dəfə Şakira kimsəsiz uşaq evinə 40 milyon dollar verib.

Ən əliaçıq ulduzlardan biri də Conni Deppdir. O, qazandığı pullarını harda, necə gəldi xərcləyir. Hətta oturduğu restoranda da ofisiantlara yüksək çay pulu verir. Bir dəfə gecə klubunda 4400 dollar hesab ödəyən aktyor ofisianta 4 min dollar çay pulu qoyub.

Həyat yoldaşından fərqli olaraq keçmiş futbolçu Devid Bekhem də əliaçıqlığı ilə seçilir. O, klublarda ofisiantlara yüksək məbləğdə çay pulu verir.