Breast Cancer Awareness Month - sinə xərçəngi ilə mübarizədə müxtəlif xeyriyyə fəaliyyətləri aparan beynəlxalq hərəkatdır.

O, hər il oktyabr ayında keçirilir, hədəfi isə insanların xəstəlik barədə məlumatlılığının artırılması, döş xərçənginin səbəblərinin araşdırılmasına, profilaktika və diaqnostikasına, müalicəsinə vəsait toplanlamasıdır. Britaniyalı dizayner Stella MakKartni də dünyanın ən proqressiv dizaynerlərindən biri olaraq bu təşəbbüsü dəstəkləmək qərarı verib və parlaq çəhrayı tonlarda hazırlanan limitli alt geyimi kolleksiyası buraxıb. Satışdan əldə olunan bütün vəsait Liverpuldakı Linda McCartney Centre-ə, xüsusilə də mammoqrafiya üçün lazımi cihazların alınmasına xərclənəcək. Xeyriyyə kapsul kolleksiyasının reklam kampaniyasında əfsanəvi top-model Keyt Moss çəkilib.