Aytən illər öncə AzTV-nin "Tələbə klubu”, "ATV-nin "Son xəbər” proqramlarında görünsə də, bu gün onu əsl yemək uzmanı adlandırmaq olar. Xanım teleaparıcı ciddi xəbər sahəsindən sonra Xəzər TV-nin "Nuş olsun” və ardınca Space telekanalının "Bizim mətbəx” şousunda tamaçıların qarşısına çıxdı.
- Aparıcı nə aparır?
- Bəzi aparıcılar nə aparırır bəzən başa düşmürəm. Amma mən ən sevdiyimi aparıram.
- Sevdiyinizi hara aparırsız?
- Əvvəlcə tamaşaçının gözlərinə, oradan da ürəyinə və ağlına…
- Bəs sevdiyiniz sizi hara aparır?
- O, məni ən sevdiyim yerə, öz ürəyinə aparıb.
- Nəyi aparmaq istəməzdiniz?
- İçimdəki qorxu hissini.
- Özünü pis aparmaq olar?
- Mən bacarmıram, amma bəzən lazımdır.
- Kim sizdən nə apardı?
- Bəzi insanlar insanlığa olan sevgi və inamımı apardı.