Amerikalı aktyor Cessi Neqi artıq "qəhrəman dayı" kimi tanınır. O, bacısı qızı İzzini cəsarətləndirmək üçün qadın paltarı geyinməkdən çəkinməyib.
ABŞ-ın Alabama ştatındakı Florens şəhərində yaşayan 26 yaşlı Cessi Neqinin bacısı qızı, 4 yaşlı İzzi "Sindrella" animasiya filminə baxmaq üçün kinoteatra getmək, özü də Sinderella paltarı geymək istəyirdi. Amma balaca qız paltarı geyib küçəyə çıxmaqdan çəkinirdi.
"Qorxuram! Orada belə paltarda tək mən olacağam!" - İzzi deyirdi.
İzzini cəsarətləndirmək üçün C.Neqi də çarəni Sinderella donuna bənzəyən paltar tapıb geyinməkdə gördü.
İzzi də dayısını bu paltarda görüb cürətlənib və Sinderella paltarı geyərək Cessi ilə birlikdə kinoteatra gedib.
"İzzini çox sevirəm və onu sevindirmək üçün əlimdən gələni etmək istədim. Məni bu görkəmdə görənlərin nə düşündükləri önəmli deyil", - Cessi Neqi deyib.