İtalyan aktrisa Monika Belluççi yeni fotoları ilə bir daha təəccübləndirməyi bacarıb.

"Ceyms "Bond" seriyasından yeni filmdə iştirak edən aktrisa həm də çəkilişlər haqda danışıb:

"Mən "Bond qızı" olmağı arzu etməyi heç düşünmürdüm. 50 yaşımda mənə belə jest əsl sürpriz oldu. Deniel Kreyqlə eyni səhnədə rol almaq isə əla hissdir".

Aktrisa ana olmaq hissini də təsvir edib:

"Fikirləşirəm ki, mən hər şeyi gec edirəmş Birinci övladımı 39 yaşında dünyaya gətirdim, Bond filmində 50 yaşda çəkildim... Hamiləliyimi gözəl keçirtdiyim üçün həkimlərim sağ olsunlar. Qızımın doğumu yaxşı keçmişdi və həmin andan həyatım dəyişmişdi. Mən həyatın əsl mahiyyətini anlamış oldum. Analıq həyata fərqli baxmağa kömək edir. Sağlamlığın dəyərini əvvəlkindən daha çox bilirsən".