"Dəyərli adlar”, "Ay Brilliant”, "Yarımdünya” , "Gecə qonağı” və digər filmlərdə yaratdığı obrazlarla məşhurlaşan gənc aktrisa qəzəbini sosial şəbəkə vasitəsi ilə ifadə edib. Hədəfi isə onun haqqında xoşagəlməz xəbərlər yayan qızlar olub:
 
"Bu sözlərim haqqımda boş-boş danışan bəzi ağılsız və əxlaqsız qızlaradır! Özünüzü yığışdırın! Həyat tərzinizdən və hansı işlərlə məşğul olduğunuzdan yaxşı xəbərim var. Siz danışdıqca susuramsa, (özü də sevdiyim insanlara) bu o demək deyil ki, sizdən qorxuram! Sadəcə, özümü sizin səviyyənizə salmaq istəmirəm. Eh, nə də olsa, mən hara, siz hara? Belə cəsarətlisinizsə, qarşıma çıxın və həmin sözləri üzümə deyin. İnanın ki, onda daha hörmətli olacaqsınız. Yaşadığınız həyat bəllidir. Özünüzə yazığınız gəlsin, həyatda bir məqsədiniz olsun! Bu cür əməllərin sahibi olmayın, bu işlərin daşını atın. Dalımca danışıb məni geri çəkməyə çalışmaqdansa, öz həyatınızı qarşınıza qoyun və mənim qədər yüksəlməyə çalışın. İndi bu sözlərimdən sonra yatın! Əgər yata bilsəniz, ay quşbeyinlər!”
 
Xatırladaq ki, aktrisa pərəstişkarlarını bu yaxınlarda yeni fotosessiya ilə sevindirəcək. P.Abıyeva yeni fotosessiyasından bir neçə şəklini sosial şəbəkədə paylaşıb. Fotolarda aktrisanın dəri gödəkcəsinin altından heç nə geyinmədiyi də diqqətdən yayınmayıb.