"Ümidsiz ev qadınları" serialındakı Qabriella Solis obrazı ilə tanınan aktrisa Eva Lonqoria "VVV" dərgisi üçün fotokamera qarşısına keçib. 

41 yaşlı aktrisa cazibədar pozaları ilə diqqət çəkib. 

Bir neçə ay əvvəl 47 yaşlı iş adamı Cos Antonio Bastonla ailə quran aktrisa xoşbəxt günlərini yaşadığını deyib. Lonqoria "həyatımın eşqi" dediyi həyat yoldaşı ilə 2013-cü ildə tanış olduğu zamanlarda heç də yaxşı münasibətdə olmadığını etiraf edib:

"Mən də, o da pis gedən münasibətlər içində idik. Ona görə də ilk qarşılaşmağımız o qədər də yaxşı deyildi. Amma sonra yenidən bir araya gəldik və aramızda qığılcımlar oyandı. O mənim həyatımda gördüyüm ən yaraşıqlı kişi idi. O mənim bu günə qədər birlikdə olduğum ən yetişkin kişidir".