FİRST FASHİON LAB eksklüziv olaraq ilk dəfə olaraq "Zuleykha" jurnalı üçün L'ethnicAz brendinin çəkilişini təşkil edib. Məşhur müğənni Röya Ayxan və yaradıcı dizayner Səbinə Hüseynin təşəbbüsü ilə yaradılan "FİRST FASHİON LAB" dəb laboratoriyası cəmi 2 aydan artıq Bakıda fəaliyyət göstərsə də, artıq qısa zamanda yerli dəb aləmində özünü tanıda bilmişdir. Yaradıcı kollektiv və yüksək ixtisaslı əməkdaşların səyləri nəticəsində dəb laboratoriyası hər bir müştəriyə individual yanaşaraq, hər kəsə özəl eksklüziv geyimlər hazırlayır. Hal-hazırda bu kollaborasiyaya iki brend: "Sabina Huseyn signature" və "L'ethnicAz Hong Kong" daxildir. Ancaq dəb laboratoriyasına bu yaxınlarda daha iki brend də qatılmas; gözlənilir. İlk brend gənclər üçün nəzərdə tutulmuş cins geyimlərdən ibarətdir. İkinci brend isə modabazları intizarda qoyaraq hələlik sirr olaraq saxlanılır.