Məşhur aktrisa Dakota Conson "Interview" jurnalı üçün açıqlama verib.
Aktrisa açıqlaması ilə gündəmə gəlib. "Bozun əlli çaları" filmindəki çılpaq rolu ilə məşhurlaşan aktrisanın "seks səhnələrindən bezdim", - deməsi maqazin dünyasının diqqətini çəkib. Tərəf müqabili Ceymi Dornan ilə seks səhnələrinə çəkilən aktrisa açıqlamasında deyib:
"Bu səhnələr çəkilərkən həqiqətən sevişmirik. Sadəcə, eləymiş kimi görünür. Bəzən çəkilişlər çox uzun müddət davam edir. Məsələn, elə bugünkü çəkiliş 8 saat davam etdi. Bu, heç də xoş deyil, əksinə sıxıcıdır."
O, jurnalistlərin "atanız bu filmi izləyib?" sualına "yox, yaxşı ki, izləməyib" deyərək gülüb.
Qeyd edək ki, aktrisa hal-hazırda "Bozun 50 çaları" erotik dramının davamı olan "Qaranlığın 50 çaları" filminə çəkilir.