Türkiyəli müğənni Sibel Canın evlənəcəyi ilə bağlı yayılan xəbərlər gündəmə bomba kimi düşüb.
 
Müğənninin üçüncü dəfə ərə getməsi insanları sevindirsə də Sibel Can bu xəbəri təkzib edib. O bildirib ki, ingilis iş adamı ilə evlənəcəyinə aid xəbərlərin hamısı büsbütün yalandır:

"Yalan xəbər. Qətiyyən doğru deyil. Mən Orhan Gencebay qardaşımdan soruşmadan addım atmaram. Ona görə də belə şey yoxdur. Tamamilə uydurmadır".

Müğənninin keçmiş əri Hakan Ural da eks həyat yoldaşının evlənəcəyinə dair yayılan xəbərləri yalanlayıb. O, "Sibel Can evlənmir. Nə evliliyi, qadının 3 uşağı var. Bəs 3 uşağımız? Evlənsəydi zəng edib təbrik edərdim, amma elə bir şey yoxdur”.

Qeyd edək ki, Sibel Can 1988-ci ildə ailə həyatı qurduğu Hakan Uraldan 1999-cu ildə boşanmışdı.