Onunla yatmaq istəməyən həyat yoldaşını vəhşicəsinə öldürən qadının məhkəməsi keçirilib.

Dəhşətli qətl hadisəsi Hindistanın Əhmədabad şəhərində baş verib. Vimla Vaghela adlı qadın əri Narsinhi onunla intim münasibətdə olmaq istəmədiyinə görə qətlə yetirib. Bu cinayət əməlinə görə Vimla ömürlük azadlıqdan məhrum edilib.

Hadisə belə baş verib: Nahardan sonra cütlük evdə yalnız olub. Bu zaman Vimla əri ilə cinsi əlaqədə olmaq istəyib. Lakin əri onun bu təklifini rədd edib. Bundan əsəbiləşən Vimla həyat yoldaşı ilə mübahisə etməyə başlayıb. O, ərini xəyanət etməkdə günahlandıraraq mübahisə əsnasında onun başına odun parçasıyla çoxsaylı zərbələr endirməyə başlayıb. Zərbələrin təsirindən Narsinh yerindəcə ölüb.