Türkiyənin məşhur sənətçisi İbrahim Tatlısəs sui-qəsdə məruz qalandan sonra aparldığı Almaniyadakı klinikaya çiy küftə daşınıb. Münhen şəhəri yaxınlığındakı Murnau qəza və travmatologiya klinikasında müalicə olunan İbrahim Tatlısəsin meneceri Eyüp Kanatın sənətçi üçün sifariş verdiyi yeməklər arasında dolma və çiy küftə ilə bol göy-göyərti də vardı. Klinikada özəl "süit" palatada müalicə alan Tatlısəsin yanına bazar ertəsinə qədər kimsəni buraxmayacaqlar. Həkimlərin dediklərinə görə, Tatlısəs dincəlməlidir. Başındakı sarğıları götürülən Tatlısəsin sol əl və ayağına kompüterli robot taxılaraq həmin əzaların hərəkətlərinin bərpasına başlanacaq.