"TV8”də yayımlanan "İşte Benim Stilim” yarışmasının münsifi, modelyer Nur Yerlitaş verilişdən ayrılacağını bildirib.

Modelyer bu haqda İnstaqram səhifəsində yazıb:

"Bəzən özümü öyrəşmiş kimi göstərirəm. Baxıram ki, görüm mənə qarşı daha nə qədər kin bəsləyəcəklər. Nə isə… Az qaldı, hər şey qurtarır, gedirəm”.

Nur "Yarışmadan gedirsiniz” sualına belə cavab verib:

"Bilmirəm. Yəqin ki… Rəhbərlikdən çox razıyam. Amma yorulmuşam. Bunu qonorarım artsın deyə etmirəm. Bu verilişdən getsəm, bir müddət efirdə olmayacam”.

Qeyd edək ki, modelyerin proqramın aparıcısı Öykü Sərtərlə son vaxtlar problemlərinin olduğu deyilir.