Xalq artisti Məleykə Əsədova keçmişini yada salıb, kövrəlib. BiG.AZ xəbər verir ki, göz yaşlarına hakim ola bilməyən aktrisa "10-dan sonra" verilişində atasının itkisinin ona həyatda necə zərbə vurduğunu anladıb:
"Uşaqlıq illərim çox şad keçib. Ancaq atam öləndən sonra həyatın ilk zərbəsini aldım. O sağ olanda biz yoxdu nədir bilməmişik. 17 yaşım tamam olmamışdı atamı itirdim. Qohumlarımız üstümüzə gəldi ki, sənəti at. Atmadım, qərara gəldim ki, toylara gedim. Kirayədə qalırdım. Heç nə də bilmirdim. Özümə söz verdim ki, ayaq üstə duracağam. Qardaşım, dayağım yox idi. Anam rayondan mənə yemək yollayırdı, bir dəfə gördüm ki, yemək yollayıb, pul yollaya bilməyib. Yazıb ki, gələn həftə maaşı alıb yollayacağam. O an özümə söz verdim ki, həyatda çox güclü olacağam, özüm ayaq üstə durmağı bacaracağam".