Bütün nəqliyyat istifadəçiləri mobil telefon nömrələrini 2017-ci il iyulun 1-dək Baş Dövlət Yol Polisi və ASAN xidmətə təqdim etməlidir.

Bununla bağlı metbuat.az-a açıqlama verən Bakı Şəhər Baş Dövlət Yol Polis İdarəsinin ictimaiyyətlə əlaqələr şöbəsinin rəisi Vaqif Əsədov bildirib ki, bu addım sürücüləri cərimələrindən xəbərdar etmək məqsədilə atılıb:

"Təbii ki, telefon nömrələrinin verilməsi o deməkdir ki, ASAN Xidmət tərəfindən hər kəsə vaxtlı-vaxtında sms, yaxud da zəng vasitəsi cərimələr barədə məlumat veriləcək”.