Xalq artisti Aygün Kazımova müğənni Elçin Cəfərovun mahnısını oxuyub.

BiG.AZ xəbər verir ki, sənətçi Elçinin repertuarında səslənən "Gecələrdə" adlı mahnıya yenidən müraciət edib:

"Elçinin yaradıcılığına çox böyük hörmətim var. Bir neçə gün bundan öncə səhər tezdən idmana gedirdim. Maşına əyləşən kimi birinci bu mahnı səsləndi, bu dəfə mənə bir başqa cür təsir etdi. Elə ordan da Kazımı (red.DJ Kazım Sübhan) yığdım ki, bu mahnını istəyirəm".

Qeyd edək ki, musiqisi Elçinə, sözləri Azər Şirinə məxsus olan mahnının aranjimanını Tərlan Məmmədhüseynov edib.