Tərkibi:
Yumurta – 3 ədəd;
Manna yarması – 1 st.;
Xama – 1 st.;
Şəkər tozu – 1 st.;
Çay sodası – ½ ç/q.

Hazırlanması:
Yumurtanı şəkər tozu ilə qarışdırıb, üzərinə manna yarmasını və xama ilə çay sodası qarışığını əlavə edirik.
Xəmir oladilərin xəmirinə bənzəyir, onu yağ sürtülmüş formaya tökürük və 160-180 dərəcə temperaturda 50-60 dəqiqə bişiririk.
Xəmirə zövqə görə kişmiş, fındıq və digər çərəzlər qatmaq olar.
Mannik bişəndən sonra onu süfrəyə qatılaşdırılmış südlə və ya mürəbbəylə vermək olar.

Nuş olsun!