Tərkibi:
ət - 500 qr.
quyruq - 200 qr.
kök - 500 qr.
soğan - 500 qr.
pomidor - 500 qr.
kartof - 500 qr.
şüyüd - 100 qr.
keşniş - 100 qr.
sarımsaq - 4 baş
bolqar bibəri - 1 ədəd
istiot - 1 ç.q.
duz - zövqə görə

Hazırlanması:
1. Əti xırda-xırda dördbucaq formasında doğrayın, duz-istiot vurub quyruq yağında yarı bişənə kimi qızardın.
2. Doğranmış tərəvəzləri aşağıdakı ardıcıllıqla ətin üzərinə lay-lay düzün: soğan, kök, pomidor, şüyüd, keşniş, sarımsaq, şirin bibər, kartof.
3. İstiotlayıb duz vurun, 0,75 l su tökün, qapağını kip bağlayıb vam alovda 2 saat bişirin (qapağı açmayın).

Nuş olsun!