Tərkibi: mal ayaqları - 250 qram mal qarını - 250 qram qursaq - 100 qram malın iç piyi (böyrək hissəsi) - 20 qram sarımsaq - 2-3 diş ağ çörək - 50 qram süd - 30 qram
Hazırlanması Təzə mal ətinin böyrək hissəsinin iç piyini ətçəkən maşından keçirib, qaba qoymaq üzərinə isə yaxşıca təmizlənmiş və ilıq suda yuyulmuş mal baş-ayağını və qursağını yerləşdirmək. Güclü odda ərzağın öz şirəsini çıxarmaq ( su əlavə edilmir). Ərzaqdan çıxan şirə qaynamağa başladıqdan sonra, tədricən üzərinə qaynayan su əlavə etmək ( hər paya 400-500 ml) və duz səpmədən təxminən 5-6 saat qaynatmaq, sonunda yumşaq ət və qığırdaq sümükdən rahat ayrılmalıdır. Sümükləri çıxarmaq.
Hazır olmazdan 15-20 dəqiqə əvvəl süddə isladılmış qabıqsız ağ gürcü çörəyi qoymaq.
Xaşı süfrəyə dərin gil kasada vermək. Duzla döyülmüş və az miqdarda bulyonda həll edilmiş sarımsaq və qaynar südü ayrıca təqdim etmək. Nuş olsun!