Tərkibi:
20 q limon
20 q alma
20 q armud
10 q moruq
3 q nanə
2 x.q. şəkər tozu
600 ml su

Hazırlanması:
Limonu yuyub qabığını soyun.


Limon qabığının üzərinə su töküb ocağın üstə qoyun, şəkər tozu səpib qarışdıra-qarışdıra şəkər tozu əriyənədək bişirin. Ocaqdan götürün. Qapağını örtüb 30 dəqiqə dəmləyin, soyudun. Süzün.


Almanı yuyub dilimləyin. Fiqurlar da kəsə bilərsiniz. Armudu da eyni qaydada hazırlayın.


Moruğun saplaqlarını təmizləyin. Nanəni yuyub qurudun.


Stəkanlara alma, armud dilimləri, moruq qoyun, üzərinə limonad tökün. Buz parçaları da əlavə edə bilərsiniz. Nanə ilə bəzəyin.

Limonad alma və armudun dadını verəcək.

Nuş olsun!