Tərkibi:
1 toyuq (800 qr yaxud 1kq)
5-6 soğan
1 ovuc zoğal
Ərinmiş kərə yağı
Sarıkök, duz, su

Hazırlanması:
Toyuğu parçalara böldüm, duz və sarıkök vurub əlimlə hər tərəfinə sürdüm.
Tavada kərə yağında o yüz, bu yüz azacıq qızartdım. Kənara qoydum, həmən o tavaya birazda yağ qoydum və aypara şəklində nap nazik doğranmış soğanı dayanmadan qarışdıraraq qızartdım. Amma soğanı əzməyin. Əvvəlində bir cimdik şəkər, axıra yaxın 1 cimdik sarıkök və zövqə görə duz vurun. Qızarmış soğanı qaşıqla tavanın bir kənarına yığdım, zoğalı əlavə etdim və 4-5 dəq yağın içində zəif odda bişirdim.
Mən zoğalın tumunu çıxartmıram, siz istəsəz əvvəldən çıxardın.
Sonra toyuğu tavaya əlavə edin, soğançanı ehtiyatla üstünə yerləşdirin, yarım stakandan 1 barmaq az su yaxud toyuq suyu vurun, qapağı örtün və 10 dəq vam odda bişirin. Altını söndürün və 10-15 dəq gözləyin yemək "yetişsin", dəmlənsin, təamlar bir birinə keçsin

P.S. mən cavan sütül kənd çolpasıyla bişirdim, əvvəldən suda bişirməyə ehtiyac yox idi. Əgər siz qartmış, qoca toyuqla bişirsəz, onda biraz suda bişirin.
Övriştənin yanında adətən aş verirlər.

Nuş olsun!

Dadli.az