Tərkibi:
3 dilim çörək
1 yumurta
2 xörək qaşığı süd
Bir pomidoru yarısı
3 xörək qaşığı sürtgəcdən keçirilmiş pendir
Şüyüd
Duz, istiot
Bitki yağı
 
Hazırlanması:
Yumurtaya duz, istiot, doğranmış şüyüd, süd əlavə edib qarışdırın.
Çörəyi dilimləyin.
Çörək dilimlərini yumurtalı kütləyə batırın, içində bir qədər saxlayın ki, ona yaxşı hopsun.
Bitki yağında çörəklərin hər iki tərəfini qızardın. Əgər kasada yumurtalı kütlədən qalıbsa, qrenka bişənə yaxın onu da tavaya tökə bilərsiniz.
Hazır qrenkanın üzərinə halqa formasında kəsilmiş pomidor qoyun, istiot, duz vurun. Üzərinə sürtgəcdən keçirilmiş pendir töküb sobada 5-10 dəqiqə qızardın.
 
Nuş olsun!