Tərkibi: 2 orta ölçülü badımcan (300qr) 1 ədəd baş soğan 200 qr. pomidor 2 diş sarımsaq 150 qr. şirin bibər Bitki yağı 1 xörək qaşığı limon suyu Duz (damaq dadına görə) Cəfəri və reyhan (damaq dadına görə)
Hazırlanması: Badımcan yuyulur, təmizlənir və kiçik tikələrə doğranılır. Duzlanır və 1 saatlıq kənara qoyulur. Bir saat keçdikdən sonra badımcanlar sıxılır, yuyulur və bir daha sıxılır. Sonra günəbaxan yağında yaxşıca qızardılır, artıq yağ hopsun deyə salfetin üstünə düzülür. Qalan tərəvəzlər 15-20 dəqiqə 180 dərəcəli sobada saxlanılır. Pomidor və bibərin qabığı soyulur. Soğan və sarımsaqla birlikdə xırda-xırda doğranılır. Qızardılmış badımcan, pörtlədilmiş tərəvəz və doğranmış göyərtiyə 1 xörək qaşığı limon suyu, 2 xörək qaşığı bitki yağı, xırda doğranılmış sarımsaq, yarım çay qaşığı duz əlavə olunur və yaxşıca qatışdırılır.