Kakos şirniyyatlara xüsusi dadverir. Qadınla.Com kakoslu şirniyyat sevərlər üçün ləzzətli resept təqdim edir.

Tərkibi:
2 ədəd yumurta
2 fincan şəkər tozu
1 paket marqarin
1 stəkan duru yağ
1 paket qabartma tozu
1 paket vanil
7 xörək qaşığı kakao
Apardığı qədər un
1 stəkan yarım süd
1 stəkan şəkər tozu

Hazırlanması:
Otaq istiliyində yumşalmış marqarini geniş bir qaba qoyun.
2 yumurtanı üzərinə qırın. Sıra ilə şəkər tozu, duruyağ, qabartma tozu, vanil və kakaonu əlavə edin. Bütün ləvazimatları əlinizlə yoğurun.(Nə çox sərt, nə də duru bir xəmir olmalıdır).Yoğurduğunuzxəmirdən qoz böyüklüyündə parçalar qoparın və onlara yuvarlaq forma verin. Peçenyeləri siniyə düzün və 180 dərəcəlik sobaya qoyun. Üzərləri çatlayana qədər bişirin. Peçenyeləri sobadan çıxarıb 2-3 dəqiqə gözləyin. Buəsnada siz də bir qabın içində süd və şəkər tozunu qarışdırın. Xəfifi isinən peçenyeləri bu qarışıma batırıbçıxardıqdan sonra servis boşqabına yığın. Üzərini kakosla bəzəyin.

Nuş olsun!