Tərkibi: Xəmir üçün: Süd - 0.5 st. (100ml) Maya - 1.5 ç/q Şəkər tozu - 1 ç/q Yumurta - 2 ədəd Xama və ya qatıq - 3 x/q Duz - 1 çimdik :) Bitki yağı - 0.5 st. (100ml) Un - 4 st. (520q)
İçlik üçün: Badam - 150q Şəkər tozu - 100q Hil - 1 ç/q
Arası üçün: Yağ - 180q (əridilmiş)
Hazırlanması: Südə maya və şəkər tozunu qarışdırıb otaq temperaturunda aktivləşməyə qoyun. Sonra unu ələyib içinə yumurta, xama, yağ, duz və aktivləşmiş mayanı töküb xəmiri yoğurun. Yumşaq və ələ yapışmayan xəmir alınacaq. 1 saat xəmiri dincəldin. Sonra xəmirdən 6 bərabər hissəyə kündələr ayırın. Yuxaları açıb yağlayaraq üst-üstə qoyub rulet kimi bükün. Alınan rulondan iki barmaq enində kəsib arasını içliklə doldurun. Əvvəlcədən isidilmiş 160 dərəcəli sobada altı azca qızana kimi bişirin.
Bu reseptlə qatları tək-tək bilinən yumşaq 16 ədəd badambura alınır. Saytda paylaşacağımı düşünməmişdim, yoxsa hissə-hissə şəkil çəkərdim. İlk dəfə idi bişirirdim çox yaxşı alındı. Bayram öncəsi Qadınla.com-a özəl resept bölüşmək istədim.