Şokoladlı kokoslu tort

Qeydiyyat Şifrənin bərpası

Qadınla.Com

Tarix: 14-11-2013, 11:00

Müəllif: Mr. OffiCeR

Şərhlər: 9

Baxılıb: 6 396

Bölmə: Bizim mətbəx / Şirniyyat və Tortlar

Səs ver:

(səs: 4)

Biskvit üçün ərzaqlar:
3 yumurta
1 su st.toz şəkər
1 ç.st qarğıdalı vəya günəbaxan yağı
1 ç.st süd
2 su st un
1 pak vanilya
1 pakqabartma tozu

Kremi üçün:
Yarım litr süd
4 x/q un
1 ç.st toz şəkər
1 yumurta
1 x/q kərəyağı
1 pak vanilya

Sosu üçün:
1.5 su st süd
3 x/q toz şəkər
3 x/q kakao

Üzərinə:
Kokos
Ləpə (zövqə görə)

Hazırlanması:
Biskvit xəmirini hazırlamaq üçün yumurta və şəkəri ağaranadək çalın. Sonra süd və yağı qarışdırın axırda qabartma tozu qatılmış unu da bu qarışığa əlavə et və qarışdır. Marqarinlə yağlanmış və unlanmış istədiyiniz bir qaba boşaldaraq isinmiş duxovkada üstü qızarıb içi bişənə qədər bişirin.
Bişdikdən sonra soyudun. Soyuyan biskviti istədiyiniz şəkildə kəsə bilərsiniz.
Bir tərəfdə sosunu hazırlayın. Kakao şəkər və südü çırparaq qarışdırın. Kəsilmiş biskvitin hər tərəfini sosa batırıb çıxardın. Alt tərəfini boşqaba yapışmaması üçün kokosa batırıb boşqaba düzün. Soyuması üçün soyuducuya qoyun 2 saatlığına. Biz isə kremi hazırlayaq. Süd, un, toz şəkər və yumurta qaşıqla qarışdırılır. Qatılaşana qədər ocaqda bişirilir. Ocaqdan almaya yaxın kərəyağı və vanilya qarışdırılır. Qarışdırılaraq soyudulur. Soyuducudan çıxararaq ortadan ikiyə kəsilən keksin arasına krem qoyulur və hər tərəfini kokosa batıraraq servis boşqabına düzülür. Zövqə görə üstünə ləpə səpə bilərsiniz.
Ərzaq və hazırlama qaydası uzun görünsə də çox asan və ləzzətlidir mütləq hazırlamanızı tövsiyə edirəm.

Nuş olsun!